കള്ളൻ, കള്ളൻ, കള്ളൻ.......

എന്റെ ബ്ളൊഗിൽ കള്ളൻ കയറി കുറെ കമന്റുകളും ചില പോസ്റ്റുകളും നഷ്ടപ്പെട്ടു അധികവും  സ്ത്രീരത്നങ്ങൾ ഇട്ട കമന്റുകളാണ് കളവുപോയിട്ടുള്ളത് അതിനാൽ ഇതേതോ സ്ത്രീ    തല്പരന്മാരായ മോഷ്ടാക്കളാണ് എന്ന്   ഉറപ്പ്. ബൂലോകത്തുള്ള  ചില സ്ത്രീ ലമ്പടന്മാരാണ് ഇതിനു പിന്നിൽ പ്രവർത്തിച്ചതെന്ന രഹസ്യ വിവരം ലഭ്യമായിട്ടുണ്ട് . ഇന്നലെ രാത്രി ഞാൻ ബ്ലൊഗ് തുറന്നുവച്ച്  വെള്ളം കുടിക്കാൻ വേണ്ടി പൊയപ്പോൾ ബ്ലൊഗിനകത്ത് കയറി ഒളിച്ചിരുന്ന മൊഷ്ടാക്കളാണ് പണി പറ്റിച്ചത്.

ഇന്നു രാവിലെ മുതൽ ഇലക്ഷൻ റിസൽട്ട് നോക്കിക്കൊണ്ട് ടി വി യുടെ മുമ്പിൽ വായും പൊളിച്ച് ഇരിക്കുകയായതിനാൽ കള്ളൻ കളവുമുതലുമായി ഇറങ്ങി പോകുന്നത് ശ്രദ്ധിക്കുവാനും പറ്റിയില്ല. ഇതൊന്നും ശ്രദ്ധിക്കാതെ അടുക്കളയിൽ മൂളിപ്പാട്ടും പാടി നടന്നിരുന്ന വാമഭാഗത്തിനു പിരിച്ചുവിടൽ നൊട്ടീസ് കൊടുത്തിട്ടുണ്ട്.  (പുര കത്തുമ്പോൾ വാഴ വെട്ടണം)

ഇലക്ഷനിൽ വിചാരിച്ചത്ര സീറ്റുകൾ കിട്ടാതെ വിറളി പിടിച്ച ചില രാഷ്ട്രീയക്കാർ നടത്തിയ പ്രതികാരമാണോ ഇതെന്നും സംശയമില്ലാതില്ല. എന്തായാലും ബൂലോക പോലീസിനും, ഗൂഗിളേമാനും  പരാതി ബോധിപ്പിച്ചിട്ടുണ്ട്. കേരള പോലീസ് മന്ത്രിക്കും ഒരുപരാതി നൽകണം. അതിനിപ്പോ മന്ത്രി ആരാന്നറിയണ്ടേ........?

എല്ലാ ബ്ലോഗന്മാരും ബ്ലൊഗിണിമാരും ഒന്നു തപ്പി നോക്കുന്നതു നന്നായിരിക്കും നിങ്ങളുടേതും ചിലപ്പോൾ നഷ്ടപ്പെട്ടിരിക്കാം.  ഇലക്ഷൻ റിസൽട്ടിന്റെ ആക്രാന്തത്തിൽ അറിയാഞ്ഞിട്ടാകും.

ഒന്നു തപ്പി നോക്കിക്കേ……… ഇല്ലെങ്കിൽ വേണ്ട……….,