Monday, June 13, 2011

അധികാരം



എനിക്ക്
ലഭ്യമായ്  അധികാരങ്ങൾ
വരുന്നു അവസരങ്ങൾ
തേടുന്നു സമ്പത്തുകൾ
നേടുന്നു സമ്പാദ്യങ്ങൾ
അറിയുന്നു ബന്ധുക്കൾ
മുറിയുന്നു ബന്ധങ്ങൾ
കുറയുന്നു സൗഹൃദങ്ങൾ
അകലുന്നു വിശ്വാസങ്ങൾ
കവിയുന്നു പിൻ‌വിളികൾ
അറിയുന്നു സുരപാന സന്ധ്യകൾ
മാറുന്നു ചിന്താധാരകൾ
നാറുന്നു മനസ്ഥിതികൾ
നഷ്ടമാകുന്നു മൂല്യങ്ങൾ
ചുരുങ്ങുന്നു പകലുകൾ
നീളുന്നു രാത്രിയാമങ്ങൾ 
തേടുന്നു മായക്കാഴ്ചകൾ
കാണുന്നു ദുസ്വപ്നങ്ങൾ
കേൾക്കുന്നു അപസ്വരങ്ങൾ
മോഹിക്കുന്നു അത്യാഗ്രഹങ്ങൾ
ആശിക്കുന്നു വർണ്ണപ്പകിട്ടുകൾ
വരളുന്നു നന്മതൻകിരണങ്ങൾ
കൊഴിയുന്നു സ്നേഹപ്പൂക്കൾ
വറ്റുന്നു നറുമൊഴികൾ
ഒഴുകുന്നു ശാപവചനങ്ങൾ
തെളിയുന്നു തിന്മതൻ തീനാളങ്ങൾ
വിളയുന്നു ദുഷ്ടതകൾ 
ദ്രവിക്കുന്നു ദന്തനിരകൾ
മുളയ്ക്കുന്നു തേറ്റകൾ
വളരുന്നു ദംഷ്ട്രങ്ങൾ
ചിന്തുന്നു രണബിന്ദുക്കൾ
രുചിക്കുന്നു  പച്ചയിറച്ചികൾ  

ഇതറിഞ്ഞ്
ഓടിയൊളിക്കുന്നൂ
എൻ സന്തതിപരമ്പരകളെന്നനിൽനിന്ന്
വിട്ടകലുന്നൂ
എൻ കൂട്ടുകാരി നീയുമെന്നിൽനിന്നകലങ്ങളിലേക്ക്
 എന്നന്നേക്കുമായ്

************************************************

16 comments:

  1. ഒപ്പം
    കുറയുന്നൂ ബ്ലോഗെഴുത്തുകൾ

    വറ്റിവരളുന്നൂ
    കമന്റുബോക്സും

    ReplyDelete
  2. നഷ്ടമാകുന്നു മൂല്യങ്ങൾ
    ചുരുങ്ങുന്നു പകലുകൾ
    നീളുന്നു രാത്രിയാമങ്ങൾ

    ReplyDelete
  3. സത്യം, അധികാരവും സമ്പത്തും വന്നുകഴിഞ്ഞാൽ, പലതരം വ്യതിയാനങ്ങളും നഷ്ടങ്ങളും വരുന്ന വഴി ‘ഇങ്ങനെതന്നെ’യാണ്. കവിതയിൽ പറഞ്ഞ അവസാനഭാഗത്തിലെത്തുമ്പോൾ, കൂട്ടുകാരിയും തിരിഞ്ഞോടും. ‘ഈ നൂറ്റാണ്ടിലെ മനുഷ്യസ്വഭാവം’. അനുമോദനങ്ങൾ........

    ReplyDelete
  4. അധികാരത്തില്‍ നിന്ന് ദംഷ്ട്രകളിലെയ്ക്ക്... കലികാലം... കാടന്‍കാലം... സര്‍പ്പയുഗം...

    ReplyDelete
  5. ഏയി...അവളങ്ങനെ പോകണ ടയിപല്ല മാഷെ !!!!

    ReplyDelete
  6. നന്നായിട്ടുണ്ട് .. :)
    പിന്നെ ആര് പോണ കാര്യാ പറഞ്ഞേ ..??

    ReplyDelete
  7. ഫിനിഷിങ് പോയിന്റിൽ കവിത കൈവിട്ടു പോയില്ലേന്നൊരു സംശയം. കവിതയുടെ ഫിനിഷിംഗിലെ പിഴവ് മൂലവും കൂട്ടുകാരിയെ നഷ്ടപ്പെടാം.ഒന്നൂടെയൊന്ന് ഉഷാറാവട്ടെ. ആശംസകൾ.......സ്നേഹ പൂർവ്വം............വിധു

    ReplyDelete
  8. ഇത്രയൊക്കെ ചെയ്യുന്ന ഒരാളിന് കൂട്ടുകാരിയെന്തിന്? അവള്‍ പോയി രക്ഷപ്പെടട്ടെ!!

    ReplyDelete
  9. അധികാരങ്ങളോടൊപ്പം ലഭിക്കുന്ന നേട്ടങ്ങള്‍ മൂല്യങ്ങളോടൊപ്പം പലതും ഇല്ലാതാക്കുന്നു.

    ReplyDelete
  10. സംഭവം കൊള്ളാം. പക്ഷെ ഒരു കോളേജ്‌ വിദ്യാര്‍ഥി എഴുതിയ പോലുണ്ട്...
    :)

    ReplyDelete
  11. ഓഹോ, അപ്പൊ ഈ വഴിക്ക് നീങ്ങാന്‍ തന്നെ തീരുമാനിച്ച് :)
    ആശംസോള്ട്ടാ

    ReplyDelete
  12. ഇമ്മള്‍ക്ക് ഇതത്ര പിടിചില്ലാട്ടോ...

    വരികളുടെ രൂപം അവസാന അക്ഷരം ക്രമതിലാക്കി.

    ReplyDelete
  13. അവസാനമെത്തിയപ്പോഴെക്കും
    പെട്ടന്ന് ആ ഒഴുക്കു നിലച്ചപോലെ..!

    ഇനിയും നന്നാക്കാമായിരുന്നു.
    ആശംസകള്‍...!
    http://pularipoov.blogspot.com/2011/05/blog-post.html

    ReplyDelete
  14. വരളുന്നു നന്മതൻകിരണങ്ങൾ
    കുറയുന്നു സൗഹൃദങ്ങൾ
    ഇതറിഞ്ഞ്
    ഓടിയൊളിക്കുന്നൂ
    എൻ സന്തതിപരമ്പരകളെന്നനിൽനിന്ന്
    വിട്ടകലുന്നൂ
    എൻ കൂട്ടുകാരി നീയുമെന്നിൽനിന്നകലങ്ങളിലേക്ക്

    ReplyDelete
  15. നല്ല ചിന്ത എല്ലാ ഭാവുകങ്ങളും

    ReplyDelete